Pressan yfirtekur ÍNN

Fjölmiðlafyrirtækið Pressan ehf. er að taka yfir rekstur ÍNN-Íslands Nýjasta Nýtt ehf, sem rekur sjónvarpsstöðina ÍNN. Það er Ingvi Hrafn Jónsson, stofnandi og eigandi félagsins, sem tilkynnir fjölmiðlanefnd um yfirtökuna, en Vísir segist hafa bréf þess að lútandi undir höndum.

Kemur þar fram að salan sé að frumkvæði Ingva Hrafns, en hann segir í bréfinu að niðurstaða sölumeðferðar hafi verið að ganga til samninga við Björn Ingi Hrafnsson og félag hans Pressuna ehf. Þá segir að ástæða fyrir sölunni sé að Ingvi Hrafn sé kominn á aldur og starfsþrek hans sé ekki jafn mikið og áður.  Hann áformi þó að halda áfram með þátt sinn Hrafnaþing, þrátt fyrir breytt eignarhald.

Mbl.is náði ekki tali af Birni Inga eða Ingva Hrafni við vegna þessara frétta.

• Blogga um frétt