Störfum hjá þýska bílaframleiðandanum Volkswagen verður fækkað um 30 þúsund fyrir árið 2020 en fækkun starfa er liður í viðamikilli endurskipulagningu rekstrar. Þetta kemur fram í frétt Handelsblatt í dag.

Rekstur VW stendur höllum fæti eftir að fyrirtækið varð uppvíst að svindli varðandi útblástur frá bifreiðum sem fyrirtækið framleiðir. Var settur upp búnaður í bílunum sem gerir það að verkum að mengun frá þeim mælist minni en hún er í raun og veru.

Áætlað er að spara 3,7 milljarða evra á ári en flestir þeirra sem missa vinnuna starfa í Þýskalandi. Ekki verður um beinar uppsagnir að ræða en ekki verður ráðið í þau störf sem losna.

Tengdar fréttir

Svindl Volkswagen

Fyrrverandi stjóri Audi áfrýjar í hneykslismáli

• Volkswagen greiðir 18 milljarða í sekt
• Húsleit á tíu stöðum
• Sex ákærðir vegna útblásturshneykslis VW
• 450 þúsund bílaeigendur í mál við Volkswagen

» Fleiri tengdar fréttir

• Blogga um frétt