Brúnegg til sölu
Setja bókamerki
Fyrirtækið Brúnegg er til sölu en leitar einnig nýrra fjárfesta. Ýmsir áhugasamir aðilar hafa haft samband að sögn Kristins Gylfa Jónssonar, framkvæmdastjóra og eins eiganda Brúneggja en rætt er við hann í Fréttablaðinu í dag.
Þar segir hann ekkert óeðlilegt að aðilar í tengdum greinum sýni búinu áhuga.
„Það var metið að þetta bú væri með hátt í 18 til 20 prósent af markaðnum á sínum tíma. Það er ljóst að Íslendingum fjölgar, eggjaneysla er mikil og er vaxandi og ferðamönnum fjölgar. Þessi vara þarf að vera til,“ er haft eftir Kristni. Þá segir hann að fyrirtækið hafi ekki selt egg í búðir síðan að fjallað var um aðbúnað varphænsna fyrirtækisins í fjölmiðlum í nóvember. Segir hann það mjög sérstakt þar sem ekkert sé að eggjunum og að búin hafi starfsleyfi.
„Við erum með verulegan húsakost og annað og höfum verið að standsetja nýtt bú í Brautarholti og erum með gott bú í Borgarfirði. Eggin hafa safnast upp en við höfum einnig dregið úr framleiðslunni,“ er haft eftir Kristni.
Í ársreikningi Brúneggja má sjá að Kristinn Gylfi og bróðir hans Björn eiga jafnan hlut í fyrirtækinu í gegnum eignarhaldsfélögin Bala ehf. og Geysi fjárfestingafélag ehf. Hagnaður fyrirtækisins árið 2015 nam 41,8 milljónum króna og högnuðust bræðurnir báðir um tæpar 100 milljónir króna á sama tíma.
Fyrri frétt mbl.is: Högnuðust um 100 milljónir hvor
Í lok 2015 námu eignir félagsins 395,6 milljónum króna og bókfært eigið fé nam 122,6 milljónum.
Bali ehf., sem er í eigu Björns hagnaðist um 96,9 milljónir króna á síðasta ári en Geysir fjárfestingafélag, sem er í eigu Kristins Gylfa um 97,3 milljónir. Frá árinu 2010 hafa Brúnegg hagnast um 219 milljónir króna. Hagnaður síðasta árs liggur ekki fyrir.
„Má segja að þetta gos hafi þjófstartað“
Virknin dregist saman um 600 metra
Maskína: Framsókn í fallbaráttu
Mjög alvarlegt ef Njarðvíkuræð gefur sig
Ástæða til að ætla að eldgosahrinu fari að ljúka
Gosið gæti varað lengur: Meiri fyrirstaða í gosrásinni
Spara stórfé með olíukaupum ytra