Samsung-erfinginn ákærður
Setja bókamerki
Erfingi Samsung veldisins og fjórir aðrir yfirmenn stærsta snjallsímaframleiðanda heims voru í dag ákærðir fyrir margvísleg brot, þar á meðal mútur og fjárdrátt, að sögn ríkissaksóknara Suður-Kóreu.
Talsmaður hópsins sem rannsakar spillingarmál sem meðal annars Park Geun-Hye, forseti Suður-Kóreu, blandast inn í, Lee Kyu-Chul, segir að varaformaður stjórnar Samsung, Lee Jae-Yong, hafi meðal annars verið ákærður fyrir mútur, fjárdrátt, fela eignir á erlendum reikningum og að bera ljúgvitni.
Trúnaðarvinkona forsetans, Choi Soon-Sil, uppnefnd „Raspútín Kóreu“, er sökuð um að hafa notfært sér samband þeirra til að knýja fram fjárframlög að andvirði sjö milljarða króna frá fyrirtækum, m.a. Samsung, til stofnunar sem hún stjórnar.
Lee var handtekinn fyrr í mánuðinum en hann hefur stýrt Samsung-samstæðunni eftir að faðir hans fékk hjartaáfall árið 2014.
„Erum í miðri hrinu“: Styttist í Eldvörp
Mjög alvarlegt ef Njarðvíkuræð gefur sig
Gosið gæti varað lengur: Meiri fyrirstaða í gosrásinni
Hraun fór yfir Grindavíkurveg
Drónamyndskeið frá hápunkti gossins í nótt
Úlfar: Heppileg tímasetning á gosinu