Costco hefur loks ákveðið opnunardag á Íslandi en vöruhúsið verður opnað viðskiptavinum klukkan níu að morgni þriðjudagsins 23. maí. Sue Knowles upplýsingafulltrúi fyrirtækisins segir framkvæmdir ganga samkvæmt áætlun.

Hún segir að 190 manns hafi verið ráðnir til starfa í versluninni en aðeins einn starfsmaður kem­ur að utan, þ.e. Bret­inn Brett Vig­elskas sem verður versl­un­ar­stjóri. Ráðningar standa þó enn yfir og segir Knowles að stjórnendur taki ennþá við umsóknum.

Þá segir hún forsvarsmenn mjög ánægða með viðtökurnar og fjölda aðildarumsókna en vill þó ekki gefa upp nákvæman fjölda. Steve Papp­as, fram­kvæmda­stjóri Costco í Bretlandi, sagði þó í samtali við mbl á dögunum að þúsundir einstaklinga og fyrirtækja hefðu sótt um aðild.

Mikið er um að vera í Kauptúni í Garðabæ þessa dagana þar sem stefnt er að opnun Costco. mbl.is/Golli

Tengdar fréttir

Costco

Mun færri með Costco-kort en áður

• Færri amerískar vörur vegna EES
• Fólk vill meira af amerískum vörum
• „Bjóða ódýrasta dropann sem er í boði“
• 85% ætla að endurnýja kort í Costco

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Hrist rækilega upp í viðskiptalífinu?