„Þetta er mjög ánægjulegt. Þeir fylgja þeirri þróun gengis sem á sér stað á heimsmarkaði og neytendur njóta góðs af því,“ segir Runólfur Ólafsson, framkvæmdastjóri Félags íslenskra bifreiðaeigenda, um lækkun Costco á eldsneyti um þrjár krónur. Í Costco kost­ar nú lítr­inn af bens­íni 166,9 krón­ur og lítr­inn af dísilolíu 158,9 krón­ur. 

Frétt af mbl.is

Costco lækkar eldsneytisverð

„Við erum þegar farin að sjá að þetta hefur áhrif á aðra eldsneytissala. Ég geri ráð fyrir að áhrifin verði meiri,“ segir Runólfur. Hann segir áhrifin, sem eru þegar farin að greinast, stangast á við fyrstu viðbrögð íslensku olíufélaganna um að þeir séu ekki í beinni samkeppni við Costco.    

Frétt af mbl.is

Skeljungur mun ekki keppa við Costco

„Við höfum ákveðnar heimildir fyrir því að verslunin Costco sé þegar farin að taka verulegan hluta af eldsneytissölu á höfuðborgarsvæðinu þrátt fyrir að vera bara með eina stöð,“ segir Runólfur og bætir við að olíufyrirtækin sem eru á hlutabréfamarkaði verði að bregðast við því.  

Þegar Costco hefur verið á markaði hér á landi í um tvo mánuði verður unnt að greina hlutdeild verslunarinnar á olíumarkaði. 

Tengdar fréttir

Costco

Mun færri með Costco-kort en áður

• Færri amerískar vörur vegna EES
• Fólk vill meira af amerískum vörum
• „Bjóða ódýrasta dropann sem er í boði“
• 85% ætla að endurnýja kort í Costco

» Fleiri tengdar fréttir

• Blogga um frétt