Sak­sókn­ar­ar í Suður-Kór­eu kröfðust þess í dag að  erf­ingi Sam­sung veld­is­ins yrði dæmd­ur í tólf ára fang­elsi fyr­ir sinn hlut í viðamiklu spill­ing­ar­máli sem kostaði for­seta lands­ins embættið.

Rétt­ar­höld­um yfir Lee Jae-Yong, vara­for­manni stjórn­ar Sam­sung Electronics, er að ljúka en Lee neit­ar að hafa framið sak­næmt at­hæfi.

Málið teng­ist ná­inni vin­konu fyrr­ver­andi for­seta Suður-Kór­eu, Choi Soon-sil, en hún var dæmd í þriggja ára fang­elsi fyrr á ár­inu fyr­ir spill­ingu. Ekki er búið að dæma í öll­um spill­ing­ar­mál­um sem hún teng­ist.

Vegna mála tengd­um Choi Soon-sil þurfti Park Geun-Hye að segja af sér sem for­seti lands­ins en Choi hafði verið vin­kona henn­ar í fjóra ára­tugi og ráðgjafi. 

Choi var sökuð um að hafa not­fært sér vinátt­una við for­set­ann í auðgun­ar­skyni. Hún er m.a. sögð hafa þvingað stjórn­end­ur stór­fyr­ir­tækja Suður-Kór­eu til að greiða stofn­un, sem hún stjórnaði, jafn­v­irði alls 7,6 millj­arða króna. 

Hún var fund­in sek um að hafa nýtt sér stöðu sína til þess að tryggja dótt­ur sinni, Chung Yoo-ra, sæti í há­skóla sem og að hafa látið gefa dótt­ur sinni ein­kunn­ir fyr­ir próf sem hún tók aldrei.

Ef Lee verður dæmd­ur sek­ur og gert að sæta 12 ára fang­elsi þá er um eina hörðustu refs­ingu sem hátt­sett­ur kaup­sýslumaður er dæmd­ur í þar í landi. 

Lee og fjór­ir aðrir úr fram­kvæmda­stjórn Sam­sung, sem er stærsti snjallsíma­fram­leiðandi heims, eru sakaður um að hafa greitt háar fjár­hæðir í mút­ur til þess að tryggja fyr­ir­tæk­inu fram­gang, meðal ann­ars í kaup­um á öðrum fyr­ir­tækj­um.

Tengd­ar frétt­ir

Sam­sung

Sam­lokusím­inn snýr aft­ur: „Tek­ur ekk­ert pláss í vas­an­um“

• Not­ar eigið fé við upp­bygg­ingu WOW
• Air­bus hætt­ir með stærstu farþegaþot­una
• Dóm­ur staðfest­ur en skil­orðsbund­inn
• Erf­ingi Sam­sung í 5 ára fang­elsi

» Fleiri tengd­ar frétt­ir

• Blogga um frétt