Allir flokkar opnir fyrir skosku leiðinni
Setja bókamerki
Forystumenn þeirra stjórnmálaflokka sem bjóða fram til alþingiskosninga eru allir opnir fyrir því að skoska leiðin svokallaða verði skoðuð sem úrræði fyrir flugsamgöngur á Íslandi.
Á opnum fundi Samtaka ferðaþjónustunnar um stöðu greinarinnar með forystumönnum stjórnmálaflokkanna, sem fór fram í Hörpu í morgun, var gengið á línuna og spurt hver afstaða flokkanna væri til skosku leiðarinnar.
Skoska leiðin felur í sér að ríkið greiði fyrir afslátt sem nemur helmingi farmiða í innanlandsflugi til þeirra sem búa á jaðarsvæðum. Er áætlað að kostnaður við aðgerðina nemi um 6-800 milljónum króna á ári.
Forystumenn Sjálfstæðisflokksins, Samfylkingarinnar, Vinstri grænna, Miðflokksins og Bjartrar framtíðar sögðu allir að þeir væru reiðubúnir að skoða þetta úrræði. Afstaða Flokks fólksins og Framsóknar var meira afgerandi. Inga Sæland, formaður Flokks fólksins, sagði að slíkt úrræði væri sjálfsagt mál og Sigurður Ingi Jóhannsson, formaður Framsóknar, sagði að flokkurinn hefði talað lengi fyrir skosku leiðinni.
Þungt ástand í margar vikur vegna RS-veiru
„Á allt sitt undir því að njóta trausts almennings“
Leiðindaveður yfir jólahátíðina
„Mikilvægt að hvíla viðbragðið“
Fjallvegir á Vestfjörðum og víða um land á óvissustigi
Innanlandsflug liggur niðri
„Umferðin greinilega að þyngjast“