„Við ætlum að halda áfram að byggja upp vörumerki Dunkin' og markmiðið er að opna fleiri staði inni í og við verslanir 10-11,“ segir Sigurður Karlsson, framkvæmdastjóri Dunkin’ Donuts á Íslandi. 

For­svars­menn Dunk­in' Donuts á Íslandi hafa tekið ákvörðun um að loka staðnum á Lauga­vegi frá og með deginum í dag. Var ástæðan sú að staðurinn var rekinn með tapi, einkum vegna hás húsnæðiskostnaðar.

Frétt af mbl.is

Loka Dunkin' Donuts á Laugavegi

„Við vildum láta reyna á að opna í stóru húsnæði,“ segir Sigurður. „Fjöldi viðskiptavina var í takti við væntingar, og jafnvel aðeins meiri, en það er erfitt að reka kaffihús á 350 fermetrum. Sala á hvern viðskiptavin var of lág til að staðurinn stæði undir sér.“

Þegar fyrsti Dunkin' Donuts var opnaður hér á landi stefndi fyrirtækið að því að opna í heildina 16 staði á fimm árum. Sigurður segist ekki geta fullyrt hversu margir þeir verði á endanum, en ítrekar að fleiri staðir verði opnaðir. Þá sagði hann of snemmt að segja til um hvar og hvenær næsti staður yrði opnaður. 

Tengdar fréttir

Dunkin Donuts

Segir verðlagningu á markaði ágæta

• Auka þarf hlutafé Isavia til að hraða uppbyggingu
• Tyrkneska líran hrynur í verði
• Loka Dunkin' Donuts á Laugavegi
• Dunkin' Donuts mætt í Leifsstöð

» Fleiri tengdar fréttir

• Blogga um frétt