Alþjóðlegir aðilar í kísiliðnaði hafa sett sig í samband við Arion banka vegna United Silicon og lýst yfir áhuga á að skoða aðkomu að starfsemi verksmiðjunnar. Þá skoða kröfuhafar einnig aðkomu að málum. 

Þetta segir Haraldur Guðni Eiðsson, forstöðumaður samskiptasviðs hjá Arion banka, í svari við fyrirspurn mbl.is. 

„Annars vegar eru það kröfuhafar félagsins sem eru að skoða mögulega aðkomu að málum,“ segir Haraldur Guðni. „Hins vegar hafa alþjóðlegir aðilar í þessum iðnaði sett sig í samband við bankann og félagið og lýst yfir áhuga á að skoða aðkomu að starfsemi verksmiðjunnar.“

Haraldur Guðni segir ekki tímabært að upplýsa um hverja sé að ræða, þar sem þreifingar séu enn á frumstigi. Þá nefnir hann að stundum gleymist í umræðu um málefni verksmiðjunnar að eftirspurn eftir kísilmálmi í heiminum fari vaxandi og heimsmarkaðsverð sé gott.

Í sept­em­ber veitti Héraðsdóm­ur Reykja­ness United Silicon greiðslu­stöðvun í þrjá mánuði, eða til 4. des­em­ber. Enn er unnið að til­lög­um um end­ur­bæt­ur á kís­il­veri United Silicon í Helgu­vík til að draga úr meng­un  

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Útsala