Vísbendingar um tugi tonna af gulli
Setja bókamerki
Námufyrirtækið Alopex Gold Inc. stefnir að því að hefja gullvinnslu úr Nalunaq-gullnámunni árið 2019 eftir jákvæðar niðurstöður úr rannsóknarvinnu í sumar.
„Þessar jákvæðu niðurstöður gera það að verkum að Alopex Gold getur skipulagt ítarlega boráætlun sumarið 2018 til að stækka núverandi gullauðlind og í kjölfarið stefnt að hefja framleiðslu á nýjan leik árið 2019,“ er haft eftir Eldi Ólafssyni, forstjóra Alopex, í tilkynningu frá félaginu.
Nalunaq-gullnáman er í 100% eigu Alopex. Fyrirtækið keypti Nalunaq-gullnámuna á Grænlandi ásamt Cyrus Capital á árunum 2014-2015 og hefur síðan keypt upp fjölda rannsóknarleyfa á Suður-Grænlandi.
Í Nalunaq var áður unnið gull yfir 10 ára tímabil en vinnslunni var hætt árið 2014. Síðan þá hefur Alopex rannsakað hvort að finna megi framlengingu á gullæðinni sem gæti verið metri á þykkt. Í tilkynningunni segir að niðurstöður rannsóknarinnar bendi til þess að 1,2 milljónir únsur af gulli sé í gullæðinni, eða á fjórða tug tonna.
Í þögn hjartans
KEF Spa: „Eitthvað sem þú hefur ekki séð áður“
„Mikilvægt að hvíla viðbragðið“
Ofmeta sparnað í stjórnarráðinu
Clinton fluttur á sjúkrahús
Spá 13-18 stiga frosti í borginni
Ekkert ferðaveður og vegalokanir á jóladag
Fuglager í Grindavík: „Þetta var bara pínu magnað“