Keypti í HB Granda fyrir 21,7 milljarða
Setja bókamerki
Guðmundur Kristjánsson, forstjóri útgerðarfélagsins Brims, hefur keypt 34,1% eignarhlut Kristjáns Loftssonar og Halldórs Teitssonar í HB Granda.
Heildarupphæð viðskiptanna nemur tæplega 21,7 milljörðum króna.
Kristján og Halldór eru báðir stjórnarmenn í HB Granda. Þeir áttu eignarhlutinn í gegnum félögin Vogun hf. og Fiskiveiðahlutafélagið Venus hf.
Vogun hf. átti tæpar 611 milljónir hluta í HB Granda og Fiskiveiðihlutafélagið Venus hf. átti tæplega 9,1 milljón hluta.
Kaupverðið var 35 krónur á hlut.
Eftir viðskiptin á Kristján Loftsson, sem er einnig stjórnarformaður Hvals hf., 249 þúsund hluti í HB Granda en Halldór engan.
Guðmundur á aftur á móti 621.365.864 hluti í HB Granda.
Fram kemur í athugasemdum Fjármálaeftirlitsins að afhending hlutanna skuli fara fram innan 30 daga við greiðslu kaupverðs.
Litlar líkur á að hraunið nái til mannvirkja
Sjötti ferðamaðurinn er látinn
Reiðubúin að aflýsa verkföllum í fjórum leikskólum
Hentugt gos fyrst gýs á annað borð
Hraun kemur úr þremur gígum: Virknin stöðug
Fullvissa ferðamenn um að hér sé öruggt
/frimg/1/53/7/1530787.jpg)
Flogið á milli ljósaskipta
Drónamyndskeið frá hápunkti gossins í nótt