Byko hefur ákveðið að áfrýja til Landsréttar dómi Héraðsdóms Reykjavíkur í máli Samkeppniseftirlitsins gegn fyrirtækinu.

Frétt af mbl.is

Byko greiði 400 milljónir í sekt

Héraðsdómur staðfesti niðurstöðu Áfrýjunarnefndar samkeppnismála um að Byko hafi framið alvarleg brot á samkeppnislögum og dæmdi fyrirtækið til að greiða 400 milljóna króna sekt. Nefnd­in hafði áður dæmt það til þess að greiða 65 millj­ón­ir króna. 

„Niðurstaða héraðsdóms veldur vonbrigðum og við munum áfrýja dóminum til Landsréttar enda sannfærð um sakleysi fyrirtækisins. Héraðsdómur kemst að annarri niðurstöðu en áfrýjunarnefnd samkeppnismála um fjárhæð sekta og hækkar sektir margfalt eða úr 65 milljónum króna í 400 milljónir króna,” segir í tilkynningu frá Sigurði B. Pálssyni, forstjóra Byko.

„Héraðsdómur byggir að stórum hluta á dómi Hæstaréttar frá árinu 2016 í málaferlum gegn starfsfólki sem hlut átti að þessu sama máli. Sá dómur var að okkar mati óréttlátur og vankantar á málsmeðferð. Í gær barst okkur tilkynning um að Mannréttindadómstóll Evrópu hefði fallist á að taka ákveðna þætti í dómi Hæstaréttar til efnislegrar meðferðar.“ 

Tengdar fréttir

Verðsamráðsmál Byko, Húsasmiðjunnar og Úlfsins

Byko sektað um 400 milljónir króna

• Ríkið viðurkennir brot í verðsamráðsmáli
• Ríkið braut á starfsmanni Húsasmiðjunnar
• Sekt Byko lækkuð um 75 milljónir
• Byko greiði 400 milljónir í sekt

» Fleiri tengdar fréttir

• Blogga um frétt