Arion banki hyggst setja kísilverksmiðjuna Stakksberg í Helguvík í söluferli á síðari hluta ársins. Stakksberg er eignarhaldsfélagið sem tók við þrotabúi United Silicon. Fyrst um sinn verður reynt við sölu miðað við núverandi ástand verksmiðjunnar en engin starfsemi er í henni í dag.

Þetta kom fram á blaðamannafundi í höfuðstöðvum Arion banka í dag þar sem Höskuldur H. Ólafsson, bankastjóri Arion banka, og Stefán Pétursson, framkvæmdastjóri fjármálasviðs bankans, fóru yfir uppgjör 2. ársfjórðungs.

Frétt af mbl.is

Hagnaður Arion dregst saman um helming

Töluverða vinnu er búið að setja í söluna og hefur sú vinna þokast eitthvað í rétta átt. Bókfært virði verksmiðjunnar er um 6,3 milljarðar að sögn Höskuldar sem er töluvert undir kostnaðinum við byggingu hennar sem nam um 18 milljörðum króna.

Tók Höskuldur fram að engin starfsemi væri í verksmiðjunni og ýmislegt ætti eftir að gera til að koma henni í gang. Mun það svo koma í ljós síðar á árinu hvort möguleg sala fari fram miðað núverandi stöðu verksmiðjunnar sem er í dag án starfsemi. Gangi það ekki eftir verður reynt við sölu þegar einhver gangur er kominn á starfsemina.

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir

• 2 blogg um fréttina

Bloggað um fréttina

• Jóhannes Ragnarsson: Uppvakningar, skrímsl og ófreskjur veitast enn að Suðurnesjamönnum
• Ómar Ragnarsson: Fróðleg viðbrögð sumra gagnvart United Silicon.