Hlutabréf í Bayer lækka í verði
Setja bókamerki
Hlutabréf í þýska lyfja- og efnafyrirtækinu Bayer hafa lækkað um ríflega tíu prósent eftir að dótturfélag þess, bandaríski landbúnaðarvöruframleiðandinn Monsanto, var dæmt til greiðslu 30 milljarða króna í skaðabætur þar sem dómstóll í Kaliforníu komst að þeirri niðurstöðu að efni í plöntueyði fyrirtækisins væri krabbameinsvaldandi.
Ewayne Johnson sem höfðaði málið gegn fyrirtækinu notaði plöntueyðinn mikið í störfum sínum sem húsvörður í skóla greindist með krabbamein árið 2014, en fimm þúsund manns til viðbótar halda því fram að þau hafi fengið krabbamein eftir að hafa notað plöntueyði fyrirtækisins.
Í tilkynningu frá Bayer segir fyrirtækið plöntueyðinn ekki krabbameinvaldandi sé farið eftir notkunarreglunum, og hyggst fyrirtækið áfrýja dómnum. „Á grunni vísinda, niðurstöðu löggjafavaldsins um allan heim og áratugalangri reynslu af notkun efnisins erum við örugg um að glýfosat sé öruggt til notkunar og ekki krabbameinsvaldandi sé það notað líkt og merkingar segja til um,“ sagði í tilkynningu frá fyrirtækinu.
Frétt breska ríkisútvarpsins um málið.
Mjög alvarlegt ef Njarðvíkuræð gefur sig
Hótar Bretum og Bandaríkjamönnum
Hraunið náð Njarðvíkuræð: Fylgjast með raflínu
Úlfar: Heppileg tímasetning á gosinu
Hluti bílastæðis undir hraun: Ómögulegt að meta tjón
Líklega komin á seinni hluta hrinunnar í Svartsengi
Mæðgur dæmdar til að greiða 64 milljónir