Segir að Tyrkir muni vinna þetta „stríð“
Setja bókamerki
Aðgerðir til að reyna að rétta af efnahag Tyrklands hafa ekki gengið en tyrkneska líran hélt áfram að lækka í morgun. Líran hefur veikst mjög gagnvart öðrum gjaldmiðlum og deila Tyrklands gegn Bandaríkjunum virðist fara versnandi.
Recep Tayyip Erdogan, forseti Tyrklands, sakaði Bandaríkjamenn í dag um að stinga Tyrki í bakið. „Við erum saman í NATO en síðan stingið þið okkur í bakið,“ sagði Erdogan.
Donald Trump tilkynnti fyrir helgi að tollar á tyrkneskt stál og ál yrðu tvöfaldaðir. Líran hrundi um 20% gagnvart Bandaríkjadal þann dag. Erdogan segir að Tyrkir muni bera sigur úr býtum í þessu „efnahagsstríði“.
Ástæða tollahækkunarinnar er ágreiningur milli bandarískra stjórnvalda og tyrkneskra, en Bandaríkjamenn hafa ítrekað krafist þess að Bandaríkjamanninum Andrew Brunson verði sleppt úr haldi Tyrkja en Tyrkir saka hann um tengsl við Fethullah Gulen og valdaránstilraunina sem var gerð í Tyrklandi 2016. Þá vilja Tyrkir fá Gulen framseldan frá Bandaríkjunum sem Bandaríkjastjórn ætlar ekki að verða við.
Sjötti ferðamaðurinn er látinn
Fullvissa ferðamenn um að hér sé öruggt
Dómur þyngdur um þrjú ár
Hópur fólks reyndi að komast að eldgosinu
Yfir 300 stæði fóru undir hraun
Hótar Bretum og Bandaríkjamönnum
Þarf að koma til móts við ólíkar þarfir lækna
„Höfum sloppið bærilega með skaða af þessu gosi“
