Hlutabréf í Icelandair hafa hækkað um 15,3% síðan í byrjun vikunnar og stendur gengi bréfanna nú í 9,28. Við upphaf vikunnar var það um 8 krónur á hlut. Verð bréfanna er þó enn nokkuð frá því sem það var fyrr í sumar, en í júní fór verðið hæst í 13,34 krónur á hlut. Í júlí, í kjölfar afkomuviðvörunnar lækkað verðið skarpt og hélt áfram að lækka þar til í byrjun þessa mánaðar þegar það tók að stíga hægt.

Í kjölfar frétta um fjárhagsstöðu helsta samkeppnisaðila Icelandair, WOW air, síðustu daga hefur verð bréfa Icelandair hins vegar tekið að hækka á ný.

Frétt af mbl.is

WOW leitar aukins fjármagns

Við lokun markaða fyrir helgi var gengi bréfanna 7,99 krónur á hlut og í fyrstu viðskiptum á mánudaginn var gengið 8,05 krónur á hlut. Þann dag fór verðið upp í 8,24 krónur á hlut (2,4% hækkun) og á þriðjudaginn hækkaði gengi bréfanna upp í 8,53 krónur á hlut (3,3% hækkun).

Í gær fluttu fjölmiðlar svo fréttir af því að WOW air væri að leita að allt að 12 milljarða króna fjármögnun með skuldabréfaútgáfu. Þá voru birtar upplýsingar úr fjárfestakynningu, en þar kom meðal annars fram að gert væri ráð fyrir um 3 milljarða króna rekstrartapi á þessu ári. Samkvæmt kynningunni var hins vegar áætlað að rekstrarhagnaður næsta árs muni nema um 4,7 milljörðum.

Frétt af mbl.is

Hækka í verði eftir fréttir frá WOW

Við þessar fréttir hækkuðu bréf í Icelandair upp í 8,81 krónu á hlut, eða um 4,4%. Það sem af er degi hafa bréf í Icelandair hækkað um 5,33% í 358 milljón króna viðskiptum.

Samtals nemur hækkun Icelandair síðan við opnun markaða í vikunni um 15,3%.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt