Sérfræðingar norska verðbréfafyrirtækisins Pareto Securities reikna með því að flugfélagið WOW air skili tapi upp á 31 milljón dala, sem nemur um 3,3 milljörðum króna á núverandi gengi, eftir skatta á þessu ári. Þetta kemur fram í Fréttablaðinu í dag.

Hins vegar gera þeir ráð fyrir því að umskipti verði í rekstri WOW air á næsta ári og þá muni félagið hagnast um 17 milljónir dala en til samanburðar tapaði flugfélagið 45 milljónum dala á tímabilinu frá júlí á síðasta ári til júní á þessu ári.

Þetta kemur fram í greiningu Pareto sem unnin var vegna yfirstandandi skuldabréfaútboðs WOW air, en norska fyrirtækið hefur yfirumsjón með útboðinu.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt