Stjórn Orku náttúrunnar hefur sagt Bjarna Má Júlíussyni upp störfum sem framkvæmdastjóra félagsins og ráðið Þórð Ásmundsson til bráðabirgða í starfið. Þetta var ákveðið á stjórnarfundi félagsins um miðjan dag í gær. Í tilkynningu frá félaginu segir að á stjórnarfundi hafi verið ákveðið að „binda enda á ráðningu fyrrverandi framkvæmdastjóra,“ en Bjarni hefur nú látið af störfum. Auglýsa á starfið laust til umsóknar á næstunni.

Þórður hefur starfað hjá Orku náttúrunnar frá stofnun, árið 2014, fyrst sem verkefnisstjóri og síðan sem forstöðumaður tækniþróunar.

„Starfslok fyrrverandi framkvæmdastjóra tengjast tilvikum þar sem framkoma hans gagnvart samstarfsfólki var óviðeigandi,“ segir í tilkynningunni. 

ON er dótt­ur­fyr­ir­tæki Orku­veitu Reykja­vík­ur og rek­ur jarðgufu­virkj­an­irn­ar á Hell­is­heiði og Nesja­völl­um og vatns­afls­virkj­un í Anda­kílsá í Borg­ar­f­irði. ON sel­ur raf­magn um allt land og hef­ur síðustu ár haft for­ystu um upp­bygg­ingu innviða fyr­ir raf­væðingu sam­gangna.

Orka náttúrunnar rekur meðal annars hraðhleðslustöðvar.

Tengdar fréttir

Málefni OR og Orku náttúrunnar

Áhrif á skjálftavirkni skoðuð frekar

• Vill synda hratt í gegnum sírópsfen leyfisveitinga
• ON vill yfirmat á um 60 milljóna bótamat
• Fordæmalaus bótakrafa í máli Áslaugar
• Áslaug hafði betur gegn ON fyrir Landsrétti

» Fleiri tengdar fréttir

• Blogga um frétt