Neytendur niðurgreiða póstsendingar frá Kína

Andrés Magnússon, framkvæmdastjóri Samtaka verslunar og þjónustu, vekur athygli á því í aðsendri grein í Morgunblaðinu í dag, að samkvæmt alþjóðasamningum sem Ísland er aðili að beri póstþjónustufyrirtækjum í þróuðum ríkjum að greiða á bilinu 70-80% af kostnaði við póstsendingar frá þróunarríkjum.

Kína telst vera þróunarríki samkvæmt þeim samningum, að því er fram kemur í umfjöllun um mál þetta í Morgunblaðinu í dag.

Þetta skekkir samkeppnisstöðu innlendrar verslunar gagnvart netverslun við Kína að mati Andrésar.