Bandaríkin og Kanada náðu samkomulagi
Setja bókamerki
Bandaríkin og Kanada náðu samkomulagi um nýjan fríverslunarsamning seint í gærkvöldi en Mexíkó er einnig hluti af samningnum.
Viðræður landanna tveggja höfðu staðið yfir í rúmt ár. Donald Trump Bandaríkjaforseti hafði lýst því yfir að fyrri samningurinn sem væri ómögulegur.
Nýi samningurinn, USMCA, kemur því í staðinn fyrir NAFTA-samninginn sem var samþykktur fyrir 25 árum og Trump hafði hótað að rifta. Áður hafði Mexíkó náð samkomulagi við Bandaríkin og Kanada.
USMCA-samningurinn „verður til þess að markaðir verða frjálsari, viðskipti sanngjarnari og hagvöxtur mun aukast mikið á okkar svæðum,“ sagði í sameiginlegri yfirlýsingu Bandaríkjanna og Kanada.
„Þetta er góður dagur fyrir Kanada,“ sagði Justin Trudeau, forsætisráðherra Kanada. Luis Videgaray, utanríkisráðherra Mexíkó, tísti að samningurinn væri góður fyrir landið hans og Norður-Ameríku.
Með samningnum fá Bandaríkin aukinn aðgang að mjólkurvörum Kanadamanna, auk þess sem þak verður sett á innflutning bíla frá Kanada til Bandaríkjanna.
Rannsókn á menningarnæturmáli lokið
Fæðuöryggi: „Áttum mat í þrjár vikur“
„Við vöknuðum við hljóð frá sprengingum“
Létu lofthræðsluna ekki á sig fá
Auka aðgengi að Grindavík
Vinna hefst í dag við að reisa undirstöður
Börnin eiga að ýta við foreldrum sínum
Koma fyrstu tölur á sunnudagskvöldið?