Breski fjárfestirinn Robert Tchenguiz hefur sakað lögmanninn Jóhannes Rúnar Jóhannsson um samsæri gegn sér. Jóhannes, sem starfaði fyrir slitastjórn Kaupþings, á að hafa, ásamt bresku endurskoðunarskrifstofunni Grant Thornton, blekkt bresku efnahagsbrotalögregluna, Serious Fraud Office (SFO), til að hefja árið 2011 rannsókn á viðskiptum hans og Vincent bróður hans við Kaupþing. Til þessa á Jóhannes að hafa nýtt embætti Sérstaks saksóknara. City A.M. greinir frá.

Mál Tchenguiz á hendur Grant Thornton í Bretlandi, tveimur starfsmönnum stofunnar og Jóhannesi var tekið fyrir í dómssal í London í dag. Þar greindi Stephen Rubin, lögmaður Tchenguiz, frá áskökunum á hendur Jóhannesi.

Robert Tchenguiz hefur ásamt bróður sínum Vincent Tchenguiz verið áber­andi í fjár­mála­hverfi London og fjár­festu þeir meðal ann­ars í fast­eign­um. Þá voru þeir eitt sinn þekkt samkvæmisljón. Vincent Tchenguiz höfðaði einnig mál gegn Grant Thornton árið 2014. Því máli var vísað frá og samið var um málalok fyrir ári síðan.

Frétt af mbl.is

Fjárfestirinn og samkvæmisljónið Tchenguiz

Bræðurnir hafa háð harða bar­áttu gegn hinum ýmsu stofn­un­um allt frá því að þeir voru hand­teknir af efna­hags­brota­deild bresku lög­regl­unn­ar árið 2011. Rannsóknin var síðar felld niður og fengu bræðurnir greiddar háar bætur.

Lögfræðingur Roberts Tchenguiz hélt því fram fyrir dómi í dag að Jóhannes og Grant Thornton hafi staðið á bakvið rannsóknina á sínum tíma og eiga þeir að hafa matað embætti Sérstaks saksóknara á fölskum ávirðingum sem fóru þaðan til SFO. Forsvarsmenn Grant Thornton hafi í kjölfarið átt sautján fundi með SFO ásamt því að veita embættinu frekari upplýsingar sem SFO gleypti við.

Tilgangurinn með þessu öllu saman hafi verið að koma félagi í eigu Roberts Tchenguiz, R20, í þrot og tryggja að Kaupþing, sem var skjólstæðingur Grant Thornton, fengi sem mest út úr ferlinu þar sem Robert Tchenguiz skuldaði bankanum milljarð punda eftir efnahagshrunið.

Talsmaður Grant Thornton segir að ásakanirnar séu tilbúningur og engar sannanir séu til staðar. Lögmaður Jóhannesar segir ásakanirnar vanhugsaðar og tilhæfulausar.

Jóhannes Rúnar Jóhannsson, lögmaður, hefur meðal annars starfað fyrir slitastjórn Kaupþings. Ljósmynd/Aðsend

Tengdar fréttir

Tchenguiz bræður

Dómari krefur Tchenguiz um afsökunarbeiðni

• Fellur frá máli á hendur Jóhannesi
• Fjárfestirinn og samkvæmisljónið Tchenguiz
• 11 lögreglumenn féllu í árás talibana
• Tchenguiz selur Hilton-hótel

» Fleiri tengdar fréttir

• Blogga um frétt