Fellur frá máli á hendur Jóhannesi
Setja bókamerki
Breski fjárfestirinn Robert Tchenguiz hefur hætt við mál sitt gegn lögmanninum Jóhannesi Rúnari Jóhannssyni. Sakaði Tchenguiz Jóhannes, sem starfaði fyrir slitastjórn Kaupþings, um að hafa ásamt bresku endurskoðunarskrifstofunni Grant Thornton, blekkt bresku efnahagsbrotalögregluna, Serious Fraud Office (SFO), til að hefja árið 2011 rannsókn á viðskiptum hans og Vincent bróður hans við Kaupþing.
Samkvæmt tilkynningu frá lögmannsstofu sem fer með mál Jóhannesar dró Tchenguiz málið til baka eftir þrjú ár í dómskerfinu. Í síðustu viku var málið tekið fyrir og átti Tchenguiz að bera vitni í málinu. Þremur tímum áður en kom að því var málið hins vegar dregið til baka. Kemur fram að með því að draga málið til baka sé Tchenguiz að fullu ábyrgur fyrir lögmannskostnaði Jóhannesar.
Vincent Tchenguiz, bróðir Roberts, höfðaði einnig mál gegn Grant Thornton árið 2014. Því máli var vísað frá og samið var um málalok fyrir ári síðan.
Bræðurnir hafa háð harða baráttu gegn hinum ýmsu stofnunum allt frá því að þeir voru handteknir af efnahagsbrotadeild bresku lögreglunnar árið 2011. Rannsóknin var síðar felld niður og fengu bræðurnir greiddar háar bætur.
Tekur ekki undir orð Ragnars Þórs og Ásthildar Lóu
Biden ávarpar Bandaríkjamenn eftir sigur Trumps
Ríkisstjórn Scholz sprungin
Evrópuumræðu laumað á dagskrá
„Fólk ætti að fara að öllu með gát“
Með réttarstöðu sakbornings við rannsókn banaslyss
Foreldrum sagt að heimanám væri verkfallsbrot