Farþegafjöldi Icelandair mun aukast verulega í kjölfar kaupa félagsins á WOW air, en það síðarnefnda flutti um 2,8 milljónir farþega á fyrstu níu mánuðum ársins. Á sama tímabili voru farþegar Icelandair um 3,3 milljónir. Þetta kemur fram á vefnum Túristi.is. Samtals flugu félögin því með um 6,4 milljónir farþega frá því í janúar á þessu ári og fram í lok september.

Frétt af mbl.is

Icelandair kaupir WOW air

Sameinuð eru flugfélögin tvö þó langt frá því að ná stærstu flugfélögum Norðurlandanna hvað farþegafjölda varðar, en til samanburðar flugu 28,3 milljónir farþega með Norwegian á sama tíma tímabili, um 22 milljónir með SAS og rúmlega 10 milljónir með Finnair.

Finnair er umtalsvert stærra en Icelandair en er samt langt frá því að komast inn á lista yfir 10 stærstu flugfélögin í Evrópu. Þar er Lufthansa á toppnum með 108,5 milljónir farþega á timabilinu. Í öðru sæti er Ryanair með 105,4 milljónir farþega og í því þriða IAG (BA, Iberia o.fl.) Norwegian nær áttunda sætinu.

Miðað við farþegafjöldatölur fyrir allt síðasta ár hefði sameiginlegur farþegafjöldi Icelandair og WOW í fyrra ekki einu sinni dugað til að koma félaginu inn á topp 20 listann í álfunni það ár.

Frétt af mbl.is

37 prósent áfangastaða þeir sömu

Í dag bjóða flugfélögin samtals upp á 56 áfangastaði en 21 áfangastaður er sá sami. Það verður áhugavert að sjá hvort og þá hvaða breytingar verða gerðar á leiðakerfinu og flugframboði í kjölfar sameiningar, en bæði félögin höfðu boðað breytingar á leiðakerfum sínum á næsta ári.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt