Greining Íslandsbanka veltir því upp í umfjöllun sinni  um stýrivaxtahækkun peningastefnunefndar hvort vextir muni hækka meira á næstu mánuðum. Sérfræðingar bankans telja ekki víst að svo verði, en að þar muni ráða miklu hvort verðbólguhorfur versni frekar á næstunni og einnig hversu hratt muni hægja á vexti einkaneyslu og fjárfestingar.

„Tónninn í yfirlýsingunni er fremur harður, en þó ekki jafn eindreginn í átt til aukins aðhalds á næstu mánuðum og margir væntu,“ segir í umfjöllun greiningar Íslandsbanka.

Greinendur bankans segja að þróun verðbólgu og verðbólguvæntinga verði sem fyrr lykilatriði í næstu vaxtaákvörðunum, auk þess sem aðrir þættir, til dæmis launaákvarðanir í komandi kjarasamningum, muni vega þungt.

Tengdar fréttir

Vextir á Íslandi

Bjarni: Bankarnir ekki í takt við samfélagið

• Illa þefjandi tuska Íslandsbanka
• Indó lækkar vexti
• „Ekki svigrúm til frekari launahækkana“
• Óttast að fólk fari aftur að eyða peningum

» Fleiri tengdar fréttir

• Blogga um frétt