Ratcliffe skoðar kaup á olíufyrirtæki

Breska og svissneska efnavinnslufyrirtækið Ineos á nú í viðræðum um kaup á eignum bandaríska olíufélagsins ConocoPhillips í Norðursjó. Ineos er í meirihlutaeigu breska auðjöfurins Jim Ratcliffe, en hann stofnaði fyrirtækið árið 1998 og á 60% hlut í því.

Ratcliffe hefur á undanförnum árum keypt um fjölmargar jarðir hér á landi, meðal annars við Vopnafjörð, Þistilfjörð sem og jörðina Grímsstaði á Fjöllum. Fyrr á þessu ári var greint frá því að hann væri ríkasti maður Bretlands.

Frétt af mbl.is

Breskur auðmaður kaupir í Vopnafirði

Samkvæmt heimildum Financial Times er mögulegt verðmæti viðskiptanna talið vera um þrír milljarðar Bandaríkjadala, eða sem nemur um 370 milljörðum íslenskra króna. Gætu viðskiptin gert Ratcliffe að stórum olíu- og gasframleiðanda í Norðursjó. Myndi þetta bætast við olíuhreinsistöðvar og efnaverksmiðjur sem Ineos á og notast við hráefni sem unnið er úr Norðursjó.

Velta Ineos í fyrra nam 60 milljörðum dala og var hagnaður þess 7 milljarðar dala. Það er stærsta einkahlutafélag Bretlands, en höfuðstöðvar þess eru þó í Sviss. Fyrirtækið er með starfsemi víða um heim og vinna um 18.500 manns hjá því.

Frétt af mbl.is

Sá ríkasti stóreignamaður á Íslandi

Frétt mbl.is um uppkaup auðmanna á jörðum við laxveiðiár.

• Blogga um frétt