Ragnhildur Geirsdóttir er hætt sem aðstoðarforstjóri WOW air en hún hefur gegnt stöðunni síðustu 18 mánuði. Í tilkynningu á vef WOW air segir að Ragnhildur muni taka við stöðu forstjóra Reiknistofu bankanna síðar í mánuðinum.

Ragn­hild­ur hef­ur víðtæka reynslu úr ís­lensku viðskipta­lífi en áður en hún hóf störf hjá WOW air gegndi hún stöðu fram­kvæmda­stjóra rekstr­ar og upp­lýs­inga­tækni hjá Lands­bank­an­um hf. Þar áður var hún for­stjóri Promens hf. auk þess sem hún var fram­kvæmda­stjóri Rekstr­ar­stýr­ing­ar og for­stjóri Flug­leiða hf./​FL Group hf. Ragn­hild­ur hef­ur einnig setið í fjöl­mörg­um stjórn­um fyr­ir­tækja á Íslandi og er­lend­is.

Ragn­hild­ur er verk­fræðing­ur og viðskipta­fræðing­ur að mennt. Hún lauk BS-prófi í véla- og iðnaðar­verk­fræði frá Há­skóla Íslands 1995, MS-prófi í iðnaðar­verk­fræði frá Há­skól­anum í Wiscons­in árið 1996 og MS-prófi í viðskipta­fræði frá sama skóla 1998.

Ragnhildur tekur við af Friðriki Snorrasyni sem sagði upp störfum á síðasta ári eftir að hafa starfað hjá RB í tæp átta ár. Í tilkynningu frá RB er haft eftir Sævari Frey Þráinssyni, stjórarformanni félagsins, að hann fagni komu Ragnhildar. „Hún er öflugur leiðtogi með víðtæka reynslu sem mun nýtast RB á þeim spennandi tímum sem eru framundan,“ er haft eftir honum.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt