Verslanir Toys'R'Us opnar út janúar

Verslanir Toys'R'Us á Íslandi verða opnar út janúar í það minnsta segir Sigurður Þorgeir Jónasson, verslunarstjóri Toys'R'Us á Smáratorgi. Hann er ekki viss um hvað gerist í næsta mánuði.

Frétt af mbl.is

Framtíðin enn óljós

Top-Toy, danskt móður­fé­lag leik­fanga­keðjunn­ar Toys ‘R’ Us á Íslandi sem og ann­ars staðar á Norður­lönd­un­um, var úr­sk­urðað gjaldþrota milli jóla og ný­árs. 

Sigurður bíður frekari upplýsinga að utan en segir að íslensku verslanirnar haldi áfram sínu striki nema skilaboð berist frá Danmörku um annað.

Frétt af mbl.is

Móðurfélag Toys ‘R’ Us gjaldþrota

„Það er verið að vinna í málinu bara [í Danmörku]. Búðirnar á Íslandi eru ekki farnar á hausinn þannig að þær halda bara áfram,“ segir Sigurður Þorgeir í samtali við mbl.is.

Viðskiptavinir Toys ‘R’ Us á Íslandi hafa verið hvattir til að nýta gjafakortin sín á meðan það er hægt.

• Blogga um frétt