Jaguar Land Rover ætlar að fækka starfsmönnum um fimm þúsund í Bretlandi og verður tilkynnt um þetta í dag. Ástæðan er minni sala í Kína og áhyggjur af afleiðingum Brexit fyrir rekstur bílaframleiðandans.
Jaguar Land Rover er í eigu indverska bílaframleiðandans Tata Motors og eru starfsmenn hans rúmlega 40 þúsund talsins í Bretlandi. Talið er að áhrifa uppsagna gæti mest á markaðssviði og stjórnun.
Samkvæmt frétt BBC eru uppsagnirnar hluti af 2,5 milljarða punda endurskipulagningu rekstrar.