Önnur félög hlaupa ekki í skarð WOW
Setja bókamerki
WOW air flýgur í sumar aðeins til og frá fjórum áfangastöðum í Bandaríkjunum: Baltimore/Washington, Boston, Detroit og New Jersey. Þeim fækkar sem sé úr tólf í sex, áfangastöðunum í vesturheimi, því enn verður flogið til Montreal og Toronto.
Sagt hefur verið frá því að WOW air hafi selt hluta flugvéla sinna til annarra félaga. Sem liður í sömu þróun, samdrætti í rekstri, lætur félagið nú af flugi á þessa staði: Chicago, Cincinnati, Cleveland, Dallas, Los Angeles, tvo flugvelli í New York, San Francisco og Saint Louis.
„Það hefur skiljanlega gríðarleg áhrif fyrir íslenska ferðaþjónustu,“ segir Kristján Sigurjónsson, ritstjóri ferðamálavefjarins Túrista, í samtali við mbl.is, „að nú fljúgi ekki 340 sæta breiðþotur nokkrum sinnum í viku frá bæði Los Angeles og San Francisco.“
Taprekstur þýddi fleiri ferðamenn
Bandaríkjamenn hafa verið langfjölmennasti hópur í ferðaþjónustunni á Íslandi og niðurskurðurinn þar er mestur, að sögn Kristjáns. Af þessum samdrætti í Bandaríkjaflugi leiðir því mikil fækkun.
Kristján telur þá óhætt að álykta, út frá tölum frá WOW air, að félagið hafi stundað Bandaríkjaflugið í taprekstri, að of margir farþegar hljóti að hafa flogið undir kostnaðarverði milli Íslands og Bandaríkjanna. Þessi taprekstur WOW, en kostakjör fyrir viðskiptavini, hefur þannig að mati Kristjáns verið ein af orsökum mikils fjölda bandarískra ferðamanna hérlendis.
Nú er liðin sú tíð. Bandarísk félög halda áfram að fljúga til Íslands frá einhverjum þeim borgum þar sem WOW air lætur nú af flugi en það verður þó í minna mæli. „Þeirra framboð stendur bara í stað, þar verður ekki aukning,“ segir Kristján. Því er ljóst að ferðamönnum þaðan mun einfaldlega fækka.
Ætliði að gefa út bók eftir þessa Moggastelpu?
Hjúkrunarheimilið sem lofað var en aldrei reist
„Mikil neyð hjá mörgu fólki“
Segir öryggi Íslands betur tryggt utan NATO
Köstuðu leðju í Spánarkonung
Andlit barna sett á klámfengið efni með gervigreind
Gleymir leiðindunum hratt þegar hún er að skrifa