Vildi Icelandair aftur að borðinu
Stefán Einar Stefánsson
Setja bókamerki
Þungur róður í viðræðum Skúla Mogensen, eiganda og forstjóra WOW air, við fjárfestingarfélagið Indigo Partners olli því að hann leitaði til Boga Nils Bogasonar, forstjóra Icelandair Group, í því skyni að kanna flöt á aðkomu síðarnefnda félagsins að WOW air.
Þetta herma heimildir Morgunblaðsins. Ekkert varð af viðræðum í þá veru en Icelandair féll frá kaupum á félaginu í lok nóvember síðastliðins eftir að viðræður og vinna við áreiðanleikakönnun á starfsemi WOW air hafði staðið yfir um nokkurra vikna skeið.
Þótt ekki hafi orðið af formlegum viðræðum milli aðila var stjórnvöldum gert viðvart um þessar þreifingar. Stjórnvöld hafa fylgst náið með þróun mála síðustu sólarhringa en á miðnætti í gær leið fresturinn sem skuldabréfaeigendur WOW air höfðu veitt félaginu til að ná samningum við Indigo Partners.
Um fimm klukkustundum áður en fresturinn leið náðist samkomulag um að framlengja viðræður Indigo Partners og WOW air út 29. mars næstkomandi, eins og WOW air greindi frá í fréttatilkynningu í gærkvöldi.
Nánar verður fjallað um málið í Morgunblaðinu í fyrramálið.
„Erum í miðri hrinu“: Styttist í Eldvörp
Hraunið náð Njarðvíkuræð: Fylgjast með raflínu
Yfir 300 stæði fóru undir hraun
Mæðgur dæmdar til að greiða 64 milljónir
Fullvissa ferðamenn um að hér sé öruggt
Börn hafi engan rétt á leikskólakennslu
Maskína: Framsókn í fallbaráttu