WOW air flutti 139 þúsund farþega til og frá Íslandi í febrúar og eru það um 34% færri farþegar en í febrúar árið áður, að því er fram kemur í fréttatilkynningu frá flugfélaginu. Þá var sætanýting WOW air 84%, en hún var 88% í sama mánuði á síðasta ári. Sætaframboð minnkaði einnig milli ára, eða um 28%.

Hlutfall tengifarþega var 39% í febrúar en var 40% fyrir ári.

„Miðað við aðstæður er ég mjög sáttur hvernig okkur hefur tekist til í febrúar og ánægjulegt að sjá þann mikla stuðning sem við höfum verið að fá frá farþegum okkar. Við erum að sjá bætingu víða í rekstrinum,“ er haft eftir Skúla Mogensen forstjóra og stofnanda WOW air í tilkynningunni.

Í sumar verður WOW air með flug til sex áfangastaða í Norður-Ameríku; Boston, Washington DC, New York, Detroit, Toronto og Montréal. Þá hefst aftur áætlunarflug til Mílanó, Barcelona og Lyon í maí og til Stokkhólms og Tel Aviv í júní.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt