Samkeppniseftirlitið hefur samþykkt samruna Kviku banka hf. og Gamma Capital Management hf.

Ákvörðun Samkeppniseftirlitsins þess efnis var birt í dag, að því er segir í tilkynningu.

„Að undangenginni rannsókn er niðurstaða Samkeppniseftirlitsins sú að ekki séu fyrir hendi vísbendingar um að samruninn leiði til myndunar eða styrkingar markaðsráðandi stöðu samrunaaðila á neinum markaði. Jafnframt verður ekki séð að samkeppni á mörkuðum raskist að öðru leyti með umtalsverðum hætti,“ segir í niðurstöðu mats á samkeppnislegum áhrifum af samruna fyrirtækjanna.

Fram kemur að með hliðsjón af rekstrarstarfsemi samrunaaðila taki samruninn nær eingöngu til eignastýringar þar sem umsvif Gamma á öðrum sviðum fjármálaþjónustu sem Kvika býður einnig upp á, séu afar lítil.

Niðurstaða Samkeppniseftirlitsins er sú að samruninn gefi ekki tilefni til íhlutunar.

Tengdar fréttir

Gamma/Kvika

Fleiri millifærslur tilkynntar til saksóknara

• Fyrrverandi framkvæmdastjóri Upphafs kærður
• Fjárhagslegri endurskipulagningu Upphafs lokið
• Skilur ekki hvernig þetta gat gerst allt í einu
• Tryggja Upphafi viðbótarfjármagn í vikunni

» Fleiri tengdar fréttir

• Blogga um frétt