Gengi Icelandair hríðfellur
Setja bókamerki
Hlutabréfaverð í Icelandair Group lækkaði um 10,6% í fyrstu viðskiptum dagsins í Kauphöll Íslands. Viðskiptin námu 57,3 milljónum króna. Stendur gengið nú í 7,4 krónum á hlut.
Lækkunina má líklega rekja til viðræðna WOW air við Indigo Partners um helgina þar sem fram kom m.a. að bandaríska fjárfestingafélagið hygðist jafnvel setja meira fjármagn í félagið en áætlað var.
Boeing tekur dýfu á markaði
Hlutabréfaverð í bandaríska flugvélaframleiðandanum Boeing lækkaði einnig í dag í viðskiptum áður en markaðir opnuðu en farþegavél af gerðinni Boeing 737 MAX8 hrapaði í Eþíópíu skömmu eftir flugtak í gær. Í Bandaríkjunum nam lækkunin 10,6% en í Þýskalandi um 7,6%.
Icelandair hefur tryggt sér kauprétt á samtals sextán Boeing 737 MAX8- og MAX9-vélum. Af þeim eru níu 737 MAX8-vélar sem taka 160 farþega í sæti og sjö 737 MAX9-vélar sem taka 178 farþega í sæti.
Gular viðvaranir í dag og á morgun
Fjallvegir á Vestfjörðum og víða um land á óvissustigi
Fyrsti ríkisstjórnarfundurinn hafinn
Hækkun skilaði sér til bænda
Veðurspáin mjög slæm: Ökumenn fari varlega
Hvetja fólk til að huga að niðurföllum
„Á allt sitt undir því að njóta trausts almennings“