Bréf Icelandair hækka mikið
Setja bókamerki
Hlutabréf í Icelandair Group ruku upp um 10% í morgunsárið í Kauphöll Íslands. Hækkunin gekk aðeins til baka skömmu síðar og hafa bréfin það sem af er degi hækkað um 8,89% í 68,9 milljóna króna viðskiptum.
Hækkunina má rekja til nýrra frétta af flugfélaginu WOW air en í frétt ViðskiptaMoggans í dag kom m.a. fram að Skúli Mogensen, stofnandi og forstjóri WOW air, hefði leitast eftir því að ríkissjóður Íslands veitti ríkisábyrgð fyrir láni sem fyrirtækið hyggst slá vegna útistandandi skulda og brýnt þykir að greiða þurfi um komandi mánaðamót.
Miklar sveiflur hafa verið á gengi Icelandair undanfarnar vikur en gengi félagsins hefur fallið töluvert vegna tveggja flugslysa Boeing 737 Max 8-véla en Icelandair þurfi eins og kunnugt er að kyrrsetja þær þrjár þotur sömu gerðar sem félagið hafði þegar tekið í notkun. Það sem af er ári hafa hlutabréf Icelandair lækkað um rúm 17%.
Reiðubúin að aflýsa verkföllum í fjórum leikskólum
„Höfum sloppið bærilega með skaða af þessu gosi“
Nýtt fangelsi í landi Stóra-Hrauns tilbúið 2028
Yfir 300 stæði fóru undir hraun
Dómur þyngdur um þrjú ár
/frimg/1/53/8/1530844.jpg)
Myndir: Náttúrulegur þröskuldur að taka við
Hentugt gos fyrst gýs á annað borð
Fullvissa ferðamenn um að hér sé öruggt