Airbus A321 flugvélarnar sem Air Canada fékk frá WOW air í janúar, nokkuð fyrr en áætlað hafði verið vegna fækkunar flugvéla hjá WOW air, munu nýtast félaginu við að viðhalda flugáætlun nú þegar Air Canada hefur þurft að kyrrsetja 24 Boeing 737 MAX8 vélar sem eru í flota félagsins. Air Canada ætlar að kyrrsetja vélarnar hið minnsta til 1. júlí. Þetta kemur fram í tilkynningu frá félaginu.

WOW ákvað í desember að losa sig við vélarnar fjórar sem höfðu verið í kaupleigu frá árinu 2014 til Air Canada. Félagið losaði sig á svipuðum tíma við nokkrar aðrar flugvélar fyrirtækisins. Var vísað til endurskipulagningar á rekstri WOW air þar sem leggja átti áherslu á upphaflega lágfargjaldamódelið.

Frétt af mbl.is

WOW selur fjórar þotur til Air Canada

Í tilkynningu Air Canada kemur fram að Boeing 737 MAX8 vélar fyrirtækisins hafi staðið undir 6% af heildarfjölda fluga hjá félaginu, en að vegna afleiddra áhrifa hafi heildaráhrifin verið nokkuð meiri. Segir félagið að þegar sé búið að fylla upp í 98% af flugáætlun aprílmánaðar og að unnið sé að flugáætlun fyrir maímánuð. Hins vegar þurfi að gera ráðstafanir lengra inn í framtíðina þar sem félagið ætli ekki að taka 737 MAX vélarnar í notkun fyrr en í fyrsta lagi 1. júlí.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Sýndar-WOW