Gengi Icelandair Group hefur lækkað um 7,3% það sem af er degi í Kauphöll Íslands.

Gengi bréfa Icelandair stóð í 9 kr. bréfið við upphaf dags en er nú komið í 8,34 kr.

Virðist vera sem svo að markaðurinn sé að bregðast við fregnum af gangi mála hjá WOW air en meirihluti skuldabréfaeigenda WOW air hefur komist að samkomulagi um fjárhagslega endurskipulagningu fyrirtækisins. Kom það fram í fréttatilkynningu frá WOW air upp úr hádegi.

Frétt af mbl.is

WOW nær samkomulagi við kröfuhafa

Um það leyti féll gengi Icelandair Group um 10% en lægst hefur gengi félagsins farið í 8 kr. bréfið í dag.

Viðskipti með bréf Icelandair hafa þó verið takmörkuð og nemur heildarfjárhæð þeirra um 45 milljónum króna.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt