Seðlabanki Íslands greip inn í á gjaldeyrismarkaði í dag. Það staðfesti Stefán Jóhann Stefánsson, ritstjóri Seðlabankans, í skriflegu svari til mbl.is í dag.

Inngrip Seðlabankans má rekja til gjaldþrots WOW air en gengi krónunnar veiktist fremur takmarkað í kjölfar þeirra frétta.

Frétt af mbl.is

WOW hætt starfsemi

Það sem af er degi veiktist gengi krónunnar um 0,7% gagnvart evru og 0,8% gagnvart Bandaríkjadal. Skömmu eftir að ljóst var um fall WOW air lækkaði gengið um 1,4% gagnvart evru og um 1,5% gagnvart Bandaríkjadal. Sú lækkun gekk svo til baka eftir því sem leið á daginn.

Ekki er ljóst hvert umfang inngrips Seðlabankans er. Verður það birt á heimasíðu bankans innan tveggja daga.

Skúli Mogensen stofnaði flugfélagið WOW air árið 2012. Félagið varð gjaldþrota í dag. mbl.is/Rax

Tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt