„Við vissum að þetta stóð til, en við vissum ekki hversu mörgum yrði sagt upp. Þetta er það fyrirtæki sem hefur þjónustað WOW uppi á velli langmest þannig að það blasti við að ef að WOW færi illa þá myndi Airport Associates þurfa að grípa til þessa ráðs,“ segir Unnur Sverrisdóttir, forstjóri Vinnumálastofnunar (VMST), í samtali við mbl.is.

Fyr­ir­tækið Airport Associa­tes sem veit­ir flugaf­greiðsluþjón­ustu á Kefla­vík­ur­flug­velli og sem m.a. þjón­ustaði WOW air til­kynnti nú síðdeg­is að fyr­ir­tækið hafi ákveðið að segja upp 315 manns í kjöl­far gjaldþrots WOW air. Í tilkynningu frá félaginu segir hins vegar að til standi að end­ur­ráða tölu­verðan fjölda.

Frétt af mbl.is

315 sagt upp hjá Airport Associates

Hópuppsögnin er sú stærsta í kjölfar gjaldþrots WOW air í gær en Unnur hefur óskað eftir samantekt um fjölda uppsagna síðasta sólarhringinn og mun hún liggja fyrir síðar í dag. Unnur á hins vegar ekki von á annarri stórri hópuppsögn í líkingu við Airport Associates.

Ljóst er að mikið álag verður á starfsmönnum Vinnumálastofnunnar næstu vikur og jafnvel mánuði og ákvað fé­lags­málaráðuneytið í morg­un að veita Vinnu­mála­stofn­un 80 millj­óna króna tíma­bundið fram­lag vegna falls WOW air.

Frétt af mbl.is

80 milljóna kr. framlag vegna falls WOW

Grípa til ráðstafana á þjónustuskrifstofu VMST í Keflavík

Gripið hefur verið til ráðstafana á þjónustuskrifstofu Vinnumálastofnunar í Keflavík vegna uppsagnanna. „Við munum fjölga starfsfólki sem mun aðstoða fólk við að sækja um atvinnuleysisbætur og leita sér að starfi og útskýra réttindi og hjálpa fólki að sækja þau,“ segir Unnur.

Hún bendir á að eðli uppsagnanna hjá Airport Associates sé annað þar sem fyrirtækið er ekki gjaldþrota líkt og WOW air. „Hjá WOW varð fólk atvinnulaust á þeirri stundu en þarna er fólk með sinn uppsagnafrest, þannig að þjónustan við það fólk dreifist betur.“

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt