Elvar Möller, sérfræðingur í greiningardeild Arion banka, segir að ólíklegt sé að erlend flugfélög stígi inn í það gat sem myndast við gjaldþrot flugfélagsins WOW air hvað varðar framboð á flugleiðum til styttri tíma.

„Ef við horfum bara á sumarið þá er líklega komið of nálægt háannatímanum, þessari sumaráætlun flugfélaga sem nær frá 1. apríl til loka október, til þess í það minnsta að við sjáum einhver erlend flugfélög stíga inn í það gat sem er að myndast með brotthvarfi WOW air.“

Fram kom í máli Elvars í vikunni að samtals hefðu áfangastaðir WOW air verið 18 talsins í Evrópu og 6 í Ameríku. Þar af ætti Icelandair 10 sameiginlega áfangastaði í Evrópu og 5 í Ameríku. Þessu til viðbótar ættu önnur erlend flugfélög 16 sameiginlega áfangastaði og WOW air í Evrópu og 5 sameiginlega áfangastaði í Ameríku.

Einu leiðirnar af þeim 24 sem WOW air ætlaði sér að fljúga til í sumar þar sem farþegar hafa ekki lengur val um að koma í beinu flugi til Íslands eru Detroit, Tel Aviv og Lyon. Áfangastaðir á borð við Tenerife og Alicante á Spáni eru þó ekki beint í leiðakerfi Icelandair, en slíkir áfangastaðir hafa að sögn Elvars verið að nær öllu leyti fyrir íslenska ferðamenn. Aðspurður hvort Icelandair geti huganlega stokkið á flug til Tenerife segir Elvar það geta gerst.

Sjá fréttaskýringu um þetta mál í heild í Morgunblaðinu í dag.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir