Isavia segir ekkert í hendi varðandi önnur flugfélög sem hefðu áhuga á að fljúga til Keflavíkurflugvallar og reyna að fylla í skarðið sem varð við gjaldþrot WOW air í síðustu viku. Tilkynnt var um að hollenska flugfélagið Transa­via muni fljúga frá Schip­hol til Kefla­vík­ur­flug­vall­ar þris­var sinn­um í viku frá 5. júlí.

„Isavia er að vinna í þessum málum og við tökum áfram þátt í ráðstefnu sem við höfum gert áður þar sem við ræðum við áhugasöm flugfélög,“ segir Guðjón Helgason, upplýsingafulltrúi Isavia.

Frétt af mbl.is

Transavia flýgur til Keflavíkur

Hann bendir á að flugfélög sem hafi áhuga á lendingarplássum í Keflavík sæki um þau í gegnum þriðja aðila sem sjái um úthlutun á plássum, samkvæmt alþjóðareglum.

Guðjón segist ekki vera með á hreinu hversu mikið af plássum hafi losnað við brotthvarf WOW air en segir ýmsa tíma lausa á Keflavíkurflugvelli. 

„Það eina sem er í hendi er tilkynningin frá því í gær,“ segir Guðjón en þar kom meðal annars fram að Isavia myndi áfram leita til flugfélaga um að hefja flug til landsins.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt