Hefja lokaviðræður um sölu á Icelandair hotels

Icelandair Group mun áfram eiga 20% hlut í Icelandair hotels og tengdum fasteignum gangi samningaviðræður við mögulegan kaupanda eftir. Ákveðið hefur verið að ganga til lokasamningaviðræðna um sölu á hótelunum. Þetta kemur fram í tilkynningu frá félaginu, en fram kemur að ekki verði greint frá nafni mögulegs kaupanda að svo stöddu.

Greint var frá því í maí á síðasta ári að Icelandair hefði sett dótturfélagið Icelandair hotels á sölu. Fé­lagið rek­ur í dag 13 hót­el und­ir merkj­um Icelanda­ir hót­ela og Hót­el Eddu. Sam­tals er um að ræða 1.937 her­bergi á land­inu öllu, 876 í Reykja­vík, 450 á lands­byggðinni og 611 á sum­ar­hót­el­um Hót­el Eddu. Þá er stefnt að opn­un nýs hót­els við Aust­ur­völl árið 2019.

Frétt af mbl.is

Icelandair setur hótelin á sölu

Samkvæmt tilkynningunni stefna samningsaðilar á að viðskiptin eigi sér stað við lok annars ársfjórðungs á þessu ári, en nánar verður greint frá fyrirhuguðum viðskiptum nái kaupandi og seljandi saman um kaupsamning.

Frétt af mbl.is

Icelandair Hotels selt 2019

• Blogga um frétt