Önnur flugvélin fer í fyrramálið
Setja bókamerki
Tengdar fréttir
Sviptivindar í flugrekstri
Önnur flugvélanna sem Air lease corporation (ALC) á og WOW air var áður með á leigu fer frá Keflavík í fyrramálið klukkan níu. Hin vélin sem var kyrrsett af Isavia upp í skuldir WOW air við flugvöllinn verður áfram í Keflavík.
Þetta staðfestir Guðjón Helgason, upplýsingafulltrúi Isavia, í samtali við mbl.is.
Vélarnar sem ALC á og eru á Keflavíkurflugvelli eru TF-GPA og TF-SKY en sú síðarnefnda fer af landi brott í fyrramálið. Hún var ekki kyrrsett en Isavia var beðið um að verja vélarnar veðri og vindi á meðan næstu skref væru ákveðin.
„Fulltrúar eigendanna komu og skoðuðu vélarnar í gær,“ segir Guðjón. Áfram verður fundað næstu daga út af kyrrsettu vélinni en Guðjón segir að það mál geti tekið einhvern tíma.
Áður hefur komið fram að Isavia hafi breytt kröfum vegna lendingargjalda sem komnar voru yfir gjalddaga í lán til tveggja ára en upphæð lánsins nemur um 1,8 milljörðum króna.
Ungverska flugfélagið Wizz air hyggst fljúga frá Keflavík til Luton-flugvallar í London sjö sinnum í viku. Mun þessi breyting taka gildi í lok maí og standa til loka októbermánaðar hið minnsta en þá lýkur sumaráætlun Isavia.
Hollenska flugfélagið Transavia mun fljúga frá Schiphol í Amsterdam til Keflavíkur þrisvar sinnum í viku frá 5. júlí. Guðjón sagði þessar breytingar beina afleiðingu af samskiptum Isavia við flugfélög um að bregðast við breyttum aðstæðum á flugmarkaði í kjölfar gjaldþrots WOW air í síðustu viku.
„Við erum í samskiptum við flugfélög sem eru hér nú þegar og önnur,“ segir Guðjón og bætir við að hann geti ekki staðfest frekari breytingar á þessari stundu.
Tengdar fréttir
Sviptivindar í flugrekstri
/frimg/1/53/8/1530844.jpg)
Myndir: Náttúrulegur þröskuldur að taka við
Hótar Bretum og Bandaríkjamönnum
Hraun kemur úr þremur gígum: Virknin stöðug
Þarf að koma til móts við ólíkar þarfir lækna
Hópur fólks reyndi að komast að eldgosinu
Viðræður ekkert þokast frá því á þriðjudag
Yfir 300 stæði fóru undir hraun
„Höfum sloppið bærilega með skaða af þessu gosi“