„Við teljum að ef Skúli og hans besta fólk getur endurreist WOW Air þá eigum við sem einstaklingar í þessu landi að sameinast um að hjálpa til.“ Svo segir á heimasíðunni hluthafi.com, þar sem einstaklingar og fyrirtæki eru hvött til að leggja fram „lítilsháttar hlutafé“ í krafti fjöldans og tryggja rekstur WOW air til framtíðar.

Greint var frá tilurð síðunnar á vef Fréttablaðsins. Ekki er ljóst hver eða hverjir standa að baki síðunni, eingöngu að um sé að ræða fyrrum viðskiptavini WOW air og annarra flugfélaga. „Við vitum að ef samkeppni minnkar eða fellur niður í samkeppnisumhverfi þá töpum við til lengri tíma. Auk þess vitum við að ferðaþjónusta á Íslandi hefur aukið hagvöxt og lífsgæði á undanförnum árum og viljum við tryggja þau gæði áfram,“ segir meðal annars á síðunni.

Greint var frá því í síðustu viku að Skúli hygðist end­ur­vekja rekst­ur flug­fé­lags­ins. Þá kom fram að Skúli og aðrir lyk­il­starfs­menn WOW air leiti um þess­ar mund­ir fjár­mögn­un­ar upp á 40 millj­ón­ir Banda­ríkja­dala, eða sem nem­ur um 4,8 millj­örðum króna, til að standa straum af kostnaði við upp­haf rekst­urs­ins. Þá greindi RÚV frá því í gær að Skúli Mo­gensen, stofn­andi og fyrr­ver­andi for­stjóri WOW air, hafi fundað með full­trú­um eig­enda KEA-hót­ela í vik­unni um stofn­un nýs flug­fé­lags.

Frétt af mbl.is

Skúli fundaði með KEA-hótelum

Aðstandendur síðunnar setja stefnuna á að safna 10-20 þúsund hluthöfum og stofna almenningshlutafélag sem myndi fjárfesta í WOW air eða nýju lággjalda flugfélagi. Ef það tekst hins vegar ekki verða engin hlutafjárloforð skuldbindandi og falla því niður ógild.

Í skilmálum síðunnar kemur fram að einstaklingar þurfa að vera fjárráða til að skrá hlutafjárloforð. Einstaklingum sem ekki hafa eignast hlut í félagi áður eiga helst ekki að lofa meira hlutafé en sem nemur fimmtungi af mánaðarlaunum en fyrirtæki og fjárfestar geta lagt fram loforð án takmarkana.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt