Hagnaður Össurar jókst um 37%
Setja bókamerki
Hagnaður Össurar nam 14 milljónum Bandaríkjadala (1,7 milljörðum íslenskra króna) á fyrsta ársfjórðungi og jókst um 37% frá sama tímabili í fyrra. Hagnaður sem hlutfall af sölu nam 9% samanborið við 7% af sölu á sama tímabili í fyrra.
Sala nam 160 milljónum Bandaríkjadala (19 milljörðum íslenskra króna). Vöxtur í staðbundinni mynt nam 19% og innri vöxtur var 8%. Þetta kemur fram í tilkynningu.
- Innri vöxtur í stoðtækjum var 10% og innri vöxtur í spelkum og stuðningsvörum var 5%. Söluvöxtur var einna helst drifinn áfram af hátæknivörum félagsins.
- EBITDA nam 30 milljónum Bandaríkjadala (3,6 milljörðum íslenskra króna) eða 19% af sölu og jókst um 51% frá sama tímabili í fyrra. EBITDA-framlegð var 19% samanborið við 14% á sama tímabili í fyrra. EBITDA-framlegð án áhrifa af innleiðingu nýrra reikningsskilastaðla (IFRS16) var 16%. Aukningu í EBITDA-framlegð má rekja til aukinnar sölu á hátæknivörum og hagræðingar í rekstri.
- Össur greiddi út arð í mars 2019 sem nam DKK 0,14 á hlut fyrir árið 2018, sem samsvarar um 9 milljónum Bandaríkjadala eða 11% af hagnaði ársins 2018.
- Össur lækkaði hlutafé félagsins um 5.430.259 kr. í lok mars 2019 og er nafnverð hlutafjár félagsins nú 425.377.804 kr.
- Fjárhagsáætlun félagsins fyrir árið 2019 er óbreytt eða 4-5% innri vöxtur, um 23% EBITDA-framlegð að teknu tilliti til einskiptisliða, 4-5% fjárfestingarhlutfall og virkt skattahlutfall á bilinu 23-24%.
Jón Sigurðsson, forstjóri Össurar, segir í fréttatilkynningu að söluvöxtur á fyrsta ársfjórðungi var góður á öllum mörkuðum með stoðtækjareksturinn og Asíumarkað í fararbroddi.
„Við erum ánægð að sjá hátæknivörur okkar leiða söluvöxtinn og má þar sérstaklega nefna nýja stoðtækið okkar með gervigreind, PROPRIO FOOT®, sem var settur á markað í fjórðungnum og hefur fengið góðar viðtökur. Rekstrarhagnaður félagsins jókst með aukinni sölu á hátæknivörum, rekstrarhagræðingu og stærðarhagkvæmni. Sjóðstreymi í fjórðungnum var gott þegar haft er í huga að fyrsti fjórðungur ársins er ávallt sá lakasti með tilliti til framlegðar og sjóðstreymis.“
Viðræður ekkert þokast frá því á þriðjudag
Vika í kosningar: Þetta segja kannanir
Sjötti ferðamaðurinn er látinn
Hraun kemur úr þremur gígum: Virknin stöðug
Hótar Bretum og Bandaríkjamönnum
Nýtt fangelsi í landi Stóra-Hrauns tilbúið 2028
„Höfum sloppið bærilega með skaða af þessu gosi“
Reiðubúin að aflýsa verkföllum í fjórum leikskólum
