Á fyrsta ársfjórðungi ársins lækkaði eiginfjárhlutfall Icelandair úr 32% í 23% og var á sama tíma 6,7 milljarða króna rekstrartap. Þetta kemur fram í ársfjórðungsuppgjöri flugfélagsins sem birt var Kauphöllinni í kvöld.

Þá voru heildartekjur félagsins 30,2 milljarðar króna á tímabilinu og lækkuðu um 7% milli ára. EBITDA (afkoma án fjármagnsliða) var neikvæð um 1,8 milljarða króna sem þó er 19% betri afkoma en í fyrra.

Fram kemur í tilkynningu félagsins að „farþegum félagsins til Íslands fjölgaði um 13% á fyrsta ársfjórðungi, farþegum frá Íslandi um 10% en farþegum milli Evrópu og N-Ameríku fækkaði um 2%.“

Haft er eftir Boga Nils Bogason, forstjóra Icelandair, að rekstur félagsins hafi hins vegar verið krefjandi eins og búist hafi verið við „og var rekstrarniðurstaðan í takt við áætlanir. Þróun fargjalda var neikvæð milli ára, sem skýrist meðal annars af mikilli samkeppni við flugrekendur sem boðið hafa upp á ósjálfbær fargjöld.“

Frétt af mbl.is

Taka 757-200 á leigu og fella niður flug

Bogi segir kyrrsetningu flugvéla félagsins af gerðinni Boeing 737-MAX hafa til skamms tíma orsakað tafir á breytingum innan félagsins sem var ætlað að bæta rekstrargrundvöllinn. Þá segir Bogi að aðkoma fjárfestingasjóðsins PAR Capital Management muni efla félagið, en sjóðurinn keypti 11,5% hlut í félaginu fyrir 5,6 milljarða króna.

Jafnframt séu „langtímahorfur félagsins eru góðar og með samstilltu átaki um mótun og innleiðingu heildstæðrar stefnu, er framtíð íslenskrar ferðaþjónustu björt.“

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt