Skuldléttara Alcoa

Í árslok 2018 var fjármögnun Alcoa á Íslandi breytt með þeim hætti að móðurfélag þess jók eigið fé félagsins um jafnvirði rúmra 143 milljarða íslenskra króna.

Var sú upphæð notuð til að greiða niður skuld Alcoa á Íslandi við móðurfélagið.

Magnús Ásmundsson, forstjóri Alcoa á Íslandi, segir í samtali í ViðskiptaMogganum í dag að þessi breyting geti leitt til þess að Alcoa á Íslandi byrji fyrr en ella að greiða tekjuskatt hér á landi en fyrirtækið hefur aldrei greitt tekjuskatt á Íslandi.