Ein þekktasta flugvél landsins um þessar mundir, Airbus A321 með númerinu TF-GPA, sem áður var í notkun hjá WOW air og var síðar kyrrsett af Isavia á Keflavíkurflugvelli upp í skuldir WOW air, var í dag ræst og færð inn í flugskýli.

Ástæðan fyrir því er þó ekki að Isavia sé að breyta aðgerðum sínum vegna kyrrsetningarinnar, heldur fengu eigendur vélarinnar að ræsa hreyflana sem hluta af almennri athugun á ástandi vélarinnar. Þá var hún í kjölfarið einnig færð inn í flugskýli á flugvellinum til að fara í viðhald. Þetta staðfestir Guðjón Helgason, upplýsingafulltrúi Isavia, í samtali við mbl.is.

Segir Guðjón að þessi vinna hafi hafist í gær með ræsingu hreyflanna, en svo hafi hún verið flutt inn í flugskýlið. Fulltrúar á vegum ALC, eiganda vélarinnar, koma að viðhaldinu, en Guðjón segir að slíkt viðhald sé eðlilegt þegar um kyrrsettar vélar sé að ræða og Isavia hafi ekki staðið í vegi fyrir slíku.

Tengdar fréttir

Sviptivindar í flugrekstri

Gefur Icelandair aukin tækifæri

• Verktökum í nýrri byggingu Icelandair boðið í kaffi
• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt