Kaldalón á First North-markaðinn

Lagt var til á aðalfundi þróunarfélagsins Kaldalóns, sem sérhæfir sig í þróun íbúðabyggða og húsbyggingum, að félagið yrði skráð á First North-markaðinn í sumar.

Á aðalfundi félagsins í gær var tilkynnt ráðning Jónasar Þórs Þorvaldssonar í starf framkvæmdastjóra félagsins sem hefur einnig gert samning um eignastýringu og umsjón með daglegum rekstri við Kviku banka.

Í ViðskiptaMogganum í dag segir Jónas Þór að félagið hyggist reisa 900 íbúðir á höfuðborgarsvæðinu, meðal annars í Vogabyggð, á Kársnesi, Urriðaholti, á Steindórsreit og í Vesturbugt, með mismunandi kaupendahópa í huga.