Nokkur flugfélög sýna 737 MAX-vélum áhuga

Flugvélaframleiðandinn Boeing á nú í viðræðum við nokkur flugfélög um sölu á Boeing 737 MAX-vélum. Fréttirnar koma í kjölfar samninga Boeing um sölu á 200 nýjum 737-MAX-vélum til IAG, móðurfélags flugfélaganna Vueling, British Airways og JetSMART.

Að því er fram kemur í frétt Reuters um málið hafa nokkur flugfélög haft samband við Boeing með það fyrir augum að kaupa 737-MAX-vélar félagsins og standa viðræður nú yfir.

Fréttirnar þykja nokkuð óvæntar enda er enn ófyrirséð hvenær kyrrsetningu Boeing 737-MAX-vélanna verður aflétt. Haft er eftir forsvarsmönnum Boeing að nú sé róið að því öllum árum að koma vélunum í loftið á nýjan leik og vonir standi til að svo verði von bráðar.

• Blogga um frétt